« Previous

Bhagavad Gita: Chapter 9, Verse 32

மாம் ஹி பா¹ர்த² வ்யபா¹ஶ்ரித்¹ய யே‌பி¹ ஸ்யு: பா¹பயோனய: |

ஸ்த்¹ரியோ வைஶ்யாஸ்த¹தா² ஶூத்³ராஸ்தே¹‌பி¹ யான்தி¹ ப¹ராம் க³தி¹ம் ||32||

மாம்——என்னை; ஹி——நிச்சயமாக; பார்த——ப்ரிதாவின் மகன் அர்ஜுனன்; வ்யாபாஶ்ரித்ய——அடைக்கலம் அடைபவர்கள்; யே——யார்; அபி——கூட; ஸ்யுஹு——இருந்தாலும்; பாப யோனயஹ——தாழ்ந்த பிறவி; ஸ்த்ரியஹ——பெண்கள்; வைஶ்யாஹா——வணிக மக்கள்; ததா——மற்றும்; ஶூத்ராஹா——கை வேலை செய்பவர்கள்; தே அபி——அவர்களும் கூட; யாந்தி——செல்வர்; பராம் —உயர்ந்த; கதிம்——நிலையை

Translation

BG 9.32: என்னிடத்தில் அடைக்கலம் புகுபவர்கள் அனைவரும், அவர்களின் பிறப்பு, இனம், பாலினம் அல்லது ஜாதி எதுவாக இருந்தாலும், சமூகம் இகழ்ந்தாலும் கூட, உயர்ந்த நிலையை அடைவார்கள்.

Commentary

குழந்தைப் பருவத்திலிருந்தே நல்ல விழுமியங்களையும், நல்லொழுக்க வாழ்வையும் கற்ற புண்ணிய குடும்பங்களில் பிறக்கும் பாக்கியம் பெற்ற ஆன்மாக்கள் உண்டு. கடந்த ஜென்மத்தில் அவர்கள் செய்த நல்ல செயல்களின் விளைவு இதுவாகும். பிறகு, குடிகாரர்கள், குற்றவாளிகள், சூதாடிகள் மற்றும் நாத்திகர்களின் குடும்பத்தில் பிறக்கும் துரதிர்ஷ்டம் உள்ள ஆத்மாக்களும் உள்ளன. இதுவும் கடந்த ஜென்மத்தில் செய்த பாவங்களின் விளைவுதான்.

இங்கு, ஸ்ரீ கிருஷ்ணர், பிறப்பு, பாலினம், ஜாதி, இனம் எதுவாக இருந்தாலும், தன்னிடம் பூரணமாக அடைக்கலம் கொள்பவர் பரலோகத்தை அடைவார் என்று கூறுகிறார். பக்தி மார்க்கத்தின் மகத்துவம் என்னவென்றால், அதற்கு அனைவரும் தகுதியுடையவர்கள், மற்ற பாதைகளில், கடுமையான நிபந்தனைகள் உள்ளன.

ஞான யோகத்தின் பாதைக்கு, ஜகத்குரு சங்கராச்சரியார் தகுதியைக் கூறுகிறார்:

விவேகி¹னோ விரக்¹த¹ஸ்ய ஶாமாதி¹கு³ண ஶாலினஹ

முகு¹க்ஷோரைவ ஹி ப்³ரஹ்ம ஜிஞாஸா யோக்³யதா¹ மதா¹ஹா

'பாகுபாடு, பற்றின்மை, ஒழுக்கமான மனம் மற்றும் புலன்கள் மற்றும் பரமநிவர்த்திக்காக தீவிரமான ஆவல் ஆகிய நான்கு தகுதிகளைக் கொண்டவர்கள் மட்டுமே ஞான யோகப் பாதையைப் பயிற்சி செய்யத் தகுதியுடையவர்கள்.'

கர்ம காண்டத்தின் (வேத சடங்குகள்) பாதையில், பூர்த்தி செய்ய வேண்டிய ஆறு நிபந்தனைகள் உள்ளன:

தே³ஶே கா¹லே உபா¹யேன த்³ரவியம் ஶ்ரத்³தா⁴ ஸமன்வித¹ம்

பா¹த்¹ரே ப்¹ரதீ³யதே¹ யத்¹த¹த்¹ ஸக¹லம் த⁴ர்ம லக்ஷணம்.

‘சம்பிரதாயச் செயல்களின் பலனைப் பெறுவதற்கு ஆறு அளவுகோல்கள் பூர்த்தி செய்யப்பட வேண்டும் - சரியான இடம், சரியான நேரம், சரியான முறை மற்றும் மந்திரங்களின் சரியான விளக்கக் கூற்று, தூய பொருட்களைப் பயன்படுத்துதல், யாகம் செய்யும் தகுதியுள்ள பிராமணர், மற்றும் அதன் பலனில் உறுதியான நம்பிக்கை.’

அஷ்டாங்க யோகத்தின் பாதையிலும், கடுமையான விதிமுறைகள் உள்ளன:

ஶௌசௌ¹தே¹ஶே ப்¹ரதி¹ஷ்டாப்¹ய (பா⁴க³வத¹ம் 3.28.8)

‘சரியான ஆசனத்தில் அசையாமல் அமர்ந்து தூய்மையான இடத்தில் ஹட யோகம் செய்யுங்கள்.’

இதற்கு நேர்மாறாக, பக்தி யோகம் என்பது யாராலும், எந்த நேரத்திலும், எந்த இடத்திலும், சூழ்நிலையிலும், எந்தப் பொருளைக் கொண்டும் செய்ய முடியும்.

ந தே³ஶா நியமஸ்த¹ஸ்மின் ந கா¹ல நியமஸ்த¹தா²

(பத்³ம பு¹ராணம்)

நாம் பக்தி செய்யும் நேரம அல்லது இடம் பற்றி கடவுள் கவலைப்படுவதில்லை என்று இந்த வசனம் கூறுகிறது. அவர் நம் இதயத்தில் உள்ள அன்பை மட்டுமே பார்க்கிறார். எல்லா ஆத்மாக்களும் கடவுளின் குழந்தைகள், அவர்கள் உண்மையான அன்புடன் அவரிடம் வந்தால், அனைவரையும் திறந்த மனதுடன் ஏற்றுக்கொள்ள அவர் தயாராக இருக்கிறார்.

« Prev verse

Next verse »